ნაბეღლავი - ნატურალური მინერალური წყალი

ნაბეღლავის წყარო 1905 წელს გურიაში, სოფელ ნაბეღლავში აღმოაჩინეს. გადმოცემის თანახმად, გურიის ხელუხლებელი ბუნების წიაღში, ადგილობრივ მოსახლეობას ყურადღება ერთ-ერთი წყაროსთვის მიუქცევია, წყალს ხარები ეტანებოდნენ; სწორედ მას აღმოაჩნდა განსაკუთრებული გემო და გამორჩეული თვისებები თავდაპირველად, წყლის ქიმიური შემადგენლობა საქართველოში მოღვაწე ლატვიელმა მკვლევარმა, რობერტ კუპცისმა 1921 წელს შეისწავლა. 1930-იან წლებში წყლის საბადოზე გამოჩენილი ქართველი და სხვა საბჭოთა მეცნიერების ხელმძღვანელობით ჰიდროგეოლოგიური კვლევები ჩატარდა. 1958 წლიდან „ნაბეღლავის“ წყლის ქარხნული წარმოება დაიწყო. 1997 წლიდან „ნაბეღლავის“ მინერალური წყლის წარმოებას სათავეში ”წყალი მარგებელი” ჩაუდგა.